Panucci: Drejtimi i Shqipërisë, një nga detyrat më të vështira

Christian Panucci, është rikthyer të flasë për ta kaluarën, kur ishte në stolin e Shqipërisë, aty ku pasoi De Biasin.

Trajneri italian, është shprehur për “Marca” se të merrje drejtimin e Shqipërisë në atë periudhë, ishte një nga detyrat më të vështira. Ai tha se tashmë po shijon jetën, por shtoi se ka dëshirë të marrë drejtimin e një skuadre.

Para dy viteve isha trajner i Shqipërisë, ndërsa tashmë po shijoj jetën, por kam dëshirë të rikthehem sërish në krye të një skuadre për të ushtruar profesionin e trajnerit. Eksperienca me Shqipërinë ishte e bukur, por është një vend pak i vështirë megjithatë çdo eksperiencë të mëson shumë.

Ia kalova mirë, por rezultatet nuk ishin aq të mira. Të merrje drejtimin e Shqipërisë në atë periudhë ishte një nga detyrat më të vështira sepse ata vinin pas pjesëmarrjes në Europian që për Shqipërinë ishte hera e parë.