Orët e fundit Real Madridi ka marrë një lajm shumë entuziazmues . Sulmuesi Robert Lewandowski ka shprehur dëshirën për tu transferuar në ‘’ Santiago Bernabeu ‘’ dhe të shijojë siç i ka endërruar vitet e fundit të karrierës në elitën e futbollit europian .
Golashënuesi polak e finalizon kontratën me bavarezët në 2023- shin dhe këtë lajm bombastik e ka deklaruar As dhe Calciomercato .
Karriera e 33 vjeçarit shënoi një rritje të konsiderueshme sidomos pas transferimit në ‘’ Allianz Arena ‘’ në merkaton e 2014-tës dhe që nga ajo kohë është shëndërruar në një emblemë tek gjermanët.
‘’ Galaktikët ‘’ sigurisht që kanë shumë të drejtë të festojnë pas kësaj deklarate sepse të kesh në skuadër një sulmues rekordmen patjetër që thekson një sukses më vete . Sezoni aktual flet dukshëm me superlativa për lojtarin nga Varshava sepse në 13 takime ka arritur 10 gola duke ndjekur linjën e viteve të kaluara sidomos në sezonin 2020-2021 të cilin e finalizoi me 49 gola dhe atë të 2019-2020-tës me 55 gola .
Pa dyshim që statistika të këtyre përmasave janë pothuajse të pamundura për tu superuar nga lojtarë me emër të cilat njëkohësisht evidentojnë vlerat që mbart ishi i Borussia Dortmundit .
Rruga e suksesi natyrisht që është konkluduar edhe me kandidaturën e Robert Lewandovskit për fitimin e Topit të Artë , çmim që duhet ta fitonte në vitin e kaluar por nuk u bë i mundur për shkak të pandemisë së koronavirusit.
Në shumë raste gjatë karrierës futbollistë të njohur e kanë shprehur dëshirën për tu bërë pjesë e ‘’ Galaktikëve ‘’ dhe me këto statistika të arritura Robert Lewandowski është një kandidat potencial për të veshur bluzën e kryeqytetasve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
