Tek Liverpooli po përjetohet një situatë kritike në lidhje me performancat.
Të besuarit e Arne Slot kanë humbur gjashtë nga shtatë sfidat e fundit dhe tashmë në ‘’ Anfield Road ‘’ është ndezur sinjali i alarmit.
Tek një ekip si ‘’ Të Kuqtë ‘’ kjo situatë konsiderohet e patolerueshme dhe drejtuesit po i lëvizin gurët në lidhje me një tjetër trainer.
Sfidat vijuese kundër Aston Villas, Real Madridit dhe Manchester City-t do të jenë tejet përcaktuese për të ardhmen e strategut por megjithatë në orët e fundit ka filluar të qarkullojë një tjetër emër për pankinën në kampin e anglezëve.
Bëhet fjalë për Filipe Luis, i cili aktualisht drejton Flamengon. Ish mbrojtësi po bën një punë shumë të mirë tek brazilianët, i pretenduar edhe nga Atletico Madridi.
Ndërkohë, për Arne Slot çdo sfidë do të jetë një finale dhe nëse nuk i arrin objektivat lamtumira do të jetë e pashmangshme.
Tifozeria dhe drejtuesit presin që situata tek ekipi i zemrës të ndryshojë, një ndër më të rëndësishmit në Angli, gjithashtu tejet cilësor edhe në kompeticionet europiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
