Me 33 vite mbi supe dhe një karrierë për tu patur zili, Ivan Perisic akoma gëzon interesin e ekipeve të elitës.
Kroati ka patur fatin të mbrojë ngjyrat e Bayern Munchen në të kaluarën, ekip me të cilin fitoi shumë tituj dhe u shpall nënkampion i botës me ‘’ Trikolorët ‘’ në 2018 -tën .
Së fundmi sipas gazetarit Ekrem Onur në ndjekje të mesfushorit është vënë Chelsea , ekip që po kalon një periudhë tranzicioni për aryse të ndërrimit të pronarit .
Ivan Perisic gëzoi trofeun e Kupës së Italisë javën e kaluar ku zikaltërit mposhtën Juventusin në një supersfidë në të cilën nxënësi i Simone Inzaghit la shenjë me një dygolësh duke i dhënë trofeun kampionëve në fuqi të Scudettos .
Tek ‘’ Blutë e Londrës ‘’ priten shumë ndryshime në merkaton e verës dhe Thomas Tuchel shpreson të përsërisë suksesin e të kaluarës me fitimin e Champions Leagues , trofeu i parë në historikun e këtij traineri i cili la shenjë edhe tek Borussia Dortmundi.
Sistemi që aktualisht praktikon Chelsea , pra 3-4-2-1 mund të pësojë ndryshime gjatë sezonit vijues për ti siguruar një vend komod Ivan Perisicit i cili konsiderohet një lojtar shumë i shpejtë dhe teknik dhe Premier League mund të rezultojë një zgjedhje e zgjuar e tij.
Megjithatë duke iu referuar aktualit , Interi akoma nuk e ka thënë fjalën e fundit sepse i mbeten edhe dy ndeshje dhe diferenca me rivalët e Milanit është vetëm një pikë , histori që mund të ndryshojë fatet e shumë lojtarëve gjatë merkatos, ose mund të sigurojë qëndrimin e tyre në të famshmin ‘’ Giusseppe Meazza ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
