Pavarësisht se Inter Miami i ka trokitur në derë Luis Suarezit , e kaluara e uruguajanit në Europë vijon të merret në konsideratë nga ekipe cilësore.
‘’ El Pistolero ‘’ e përfundon kontratën me Nacionalin në fundin e sezonit dhe besohet se pas Botërorit të Katarit do të ndryshojë destinacion për të startuar një tjetër eksperiencë në karrierë .
35 vjeçari ka impresionuar me kryeqytetasit dhe njëkohësisht klubin e zemrës duke treguar se mosha është vetëm një numër dhe se pasioni për këtë sport gjithmonë konsiderohet predominon në rrugën drejt sukseseve .
Janë tre ekipe të Primera Divisionit si Valencia , Almeria dhe Sevilla të cilat janë interesuar për ishi-n e Barcelonës, kampionat të cilin e njeh shumë mirë dhe ky fakt mund të konsiderohet një plus për Luis Suarezin.
Gjithsesi duke qenë se është drejt varjes së këpucëve në gozhdë, besohet se ylli i kombëtares ‘’ Celeste ‘’ do të vendosë për një ligë të një niveli ndryshe dhe ndoshta ekipi i lideruar nga legjenda angleze David Beckham do të dalë i fituar duke i dhënë shansin për të treguar përsëri potencialin, me shumë gjasa në Major League Soccer.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
