Kupa e Afrikës sigurisht po rezulton një evenmient tejet interesant.
Disa lojtarë kanë nisur të spikasin me kombëtaret respektive, ndër të cilët përfshihet edhe Anis Hadj- Moussa.
Sulmuesi është pjesë e Feyenoordit dhe konsiderohet një ndër më të spikaturit në Eredivisie.
Shumë shpejt drejtuesit e Chelseat kanë nisur ta monitorojnë i cili aktivizohet si ekstrem dhe është shumë i rrezikshëm për rivalët.
23 vjeçari i lindur në Paris, numëron 7 gola dhe 3 asiste në 23 sfidat e sezonit aktual me ekipin nga Roterdami.
Lajmi është raportuar nga ‘ Footmercato ‘ dhe duhet thënë se krerët e ‘’ Bluve të Londrës ‘’ tashmë kanë nisur tratativat me ato të klubit hollandez për arritjen e marrëveshjes.
Anis Hadj-Moussa është formuar në kategoritë inferiore të Lensit i cili në rastin e një oferte bindëse nga pronari i gjigandëve të Anglisë Todd Boehly mund të largohet nga Feyenoordi.
Referuar potencialit të manjatit amerikan pritet që në ditët e mbetura të merkatos së janarit Chelsea të jetë një ndër më të përfshirët pasi objektivi është fitimi i sa më shumë titujve gjatë sezonit dhe transferimi i komponentëve cilësorë në ‘’ Stamford Bridge ‘’ është një prioritet absolut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
