Mungesa e Andre Ter Stegen ka rezultuar një kundrakohë e pamenduar për Barcelonën.
Gjermani shpeshherë i ka shpëtuar katalanasit në momente të vështira, i cili tashmë ia ka lënë vendin Inaki Penas.
Megjithatë, asnjëherë drejtuesit nuk e kanë shmangur vëmëndjen nga merkatoja e janarit, gjatë të cilës do të kërkojnë transferimin e një tjetër portieri në ‘’ Camp Nou ‘’.
Lucas Chevalier është i preferuari i drejtorit sportiv Deco, një referent tek Lilla.
Sipas ‘ Sport ‘ , ish mesfushori i mirënjohur e vlerëson maksimalisht 23 vjeçarin, të cilit i përfundon kontrata me ‘’ Les Dogues ‘’ në 2027-tën dhe vlera momentalisht në merkato arrin 25 milionë eurot.
Për më tepër gardiani i tre shtyllave është grumbulluar edhe nga Didier Deschamp tek kombëtarja e ‘’ Gjelave ‘’, fakt që flet për ecurinë në kohët e fundit.
Si gjithmonë për lojtarë të këtyre niveleve gara është shumë e ashpër dhe në rastin konkret edhe disa ekipe nga Anglia kanë shfaqur interes.
Eshtë sezoni i tretë i ishi-t të Valenciennes në ‘’ Pierre-Mauroy ‘’, i cili mund të bëhet pjesë e një ekipi i cili bëri ligjin në të shkuarën në futbollin spanjoll dhe atë europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
