Sipas informacioneve të fundit, Atletico Madridi është drejt marrëveshjes me Moise Kean, i cili parashikohet se do të huazohet deri në fundin e sezonit.
Madrilenët janë të gatshëm të shpenzojnë 500 mijë euro për sulmuesin dhe të përballojnë rrogën e tij , i cili me shumë gjasa do ti shërbejë për fazën më vendimtare.
Traineri Diego Simeone ka në dispozicion vetëm Moratan, Griezmann dhe Angel Correa dhe me transferimin e 23 vjeçarit në ‘’ Wanda Metropolitano ‘’ mund të thuhet se e ka të kompletuar skuadrën në këtë aspekt.
Sigurisht, jemi vetëm disa muaj larg Europianit dhe për ishi-n e Evertonit është i domosdoshëm aktivizimi, për të qenë një ndër të përzgjedhurit e trainerit Luciano Spalletti tek kombëtarja ‘’ Azurre ‘’.
Nën drejtimin e ‘’ El Cholos ‘’, Moise Kean do të ketë mundësinë për të treguar veten, tek një ekip shumë cilësor, aty ku rivaliteti është shumë i ashpër.
‘’ Los Rojiblancos ‘’ po e presin me entuziazëm kalimin e Mose Kean në kryeqytetin spanjoll, një sulmues tejet potent, pavarësisht se po përjeton një eksperiencë jo të mirë tek Juventusi, e reflektuar në asnjë gol dhe asnjë asist në 12 sfidat e sezonit aktual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
