Pas një investimi të fuqishëm prej me shumë së një miliard eurosh nga Todd Boehly gjatë merkatove, ende Chelsea nuk po e gjen dot rrugën drejt suksesit.
‘’ Blutë e Londrës ‘’ çuditërisht janë shëndërruar në një ekip i mesit të tabelës në Premier League dhe natyrisht përgjegjësi kryesor për këtë ecuri është traineri Mauricio Pochettino.
Argjentinasi shkëlqeu në të kaluarën nën drejtimin e Tottenham Hotspurit, skuadër të cilën e dërgoi deri në finalen e Champions Leagues, fatkeqësisht të humbur kundër Liverpoolit.
52 vjeçari ka filluar të bëjë llogaritë për sezonin vijues, i cili para pak kohësh kishte mundësinë në njëfarë mënyre të justifikohej por e humbi finalen e Kupës së Ligës kundër Liverpoolit.
Tashmë ish mbrojtësi ia ka hapur derën largimeve dhe flitet për Thiago Silvan, Benoit Badiashile dhe Marc Cucurella, lojtarë të cilët nuk e kanë bindur.
Me largimin e tyre nga ‘’ Stamford Bridge ‘’ synohet fuqizimi i arkave për të qenë në lartësinë e duhur gjatë verës, një periudhë deçizive për të ardhmen e Chelseat, një ndër ekipet më të suksesshëm në Angli dhe Europë në të kaluarën.
Vetëm 36 pikë të grumbulluara në 26 sfidat në kampionat i pozicionojnë kryeqytetasit 14 pikë larg Europës, një statistikë e cila rikonfirmon situatën kritike tek kjo skuadër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
