FIFA ka kërcënuar me përjashtim nga Botërori, kombëtaren e Tunizisë. Gjithçka lidhen me problemet në Federatën e futbollit të këtij vendi, aty ku politika ka ndërhyrë në zgjedhje.
Në një letër drejtuar shtetit të Tunizisë, FIFA i ka kërcënuar me përjashtim nga Botërori, nëse në çështjet e Federatës ndërhyn politika.
“Në këtë drejtim, dëshirojmë t’ju kujtojmë se shoqatat anëtare të FIFA-s janë ligjërisht të detyruara t’i kryejnë punët e tyre në mënyrë të pavarur dhe pa ndikim të padrejtë nga palët e treta.
Çdo mospërmbushje e këtyre detyrimeve mund të rezultojë në vendosjen e ndëshkimeve sipas ligjeve të FIFA-s, duke përfshirë pezullimin e federatës përkatëse”, thuhet në letrën e FIFA-s.
Nëse FIFA merr masa, kjo mund të nënkuptojë ndalimin e kombëtares tuniziane nga pjesëmarrja në Kupën e Botës “Katar 2022”, e cila do të fillojë më 20 nëntor.
Tunizia është aktualisht në Grupin D së bashku me Danimarkën, Australinë dhe Francën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
