Partizani ka marrë një fitore me shumë vlera, teksa ka mposhtur në transfertë Kukësin me rezultatin 1-2.
Një 3 pikësh i rëndësishëm për të kuqtë, ndaj rivalit direkt për vendin e tretë, që të dërgon në Europë.
Pjesa e parë u mbyll me avantazhin e dyfishtë të Partizanit, pas dopietës së Stenio Junior, ndërsa në të dytën verlindorët u shfaqën më kërkues. Në minutën e 52, Milunovic ngushtoi diferencat në 1-2.
Pas kësaj, Kukësi luftoi deri në fund, për golin e barazimit, por pa sukses. Në fund, skuadrat e mbyllën ndeshjen me nga 10 lojtarë, pasi për Partizanin u ndëshkua me të kuq Gueye, ndërsa për vendasit u ndëshkua me të kuq De Lucas.
Partizani mban vendin e tretë tashmë me 49 pikë, 3 pikë më shumë se Kukësi i vendit të katërt dhe 4 më shumë se Vllaznia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
