Dy ditë më parë, gazetari Dritan Shakohoxha postoi në “Instagram” një foto ku shihet duke bërë simbolin e shqiponjës dykrenore me portierin e Italisë, Xhanluixhi Bufon, pas ndeshjes së Kombëtares në Palermo.
Mirëpo kjo ka ngjallur reagimin e serbëve, të cilët ndjehen të provokuar.
E përditshmja “Kurir”, në edicionin online shkruan se “gardiani” i Juventusit nuk do të ketë më simpatinë e serbëve, pasi ka bërë simbolin e “Shqipërisë së Madhe”.
“Portieri i Juventusit, Xhanluixhi Bufon, është pa dyshim mjaft popullor në mbarë botën, por në të ardhmen nuk do të ketë simpati të madhe nga serbët. Pas ndeshjes me Shqipërinë, portieri i kombëtares italiane bëri me dorë shqiponjën dykrenore, simbolin e ‘Shqipërisë së Madhe’. Legjenda nga Torino e bëri këtë së bashku me gazetarin Dritan Shakohoxha, i cili vazhdimisht poston foto të kriminelit Ramush Haradinaj”, shkruan “Kurir”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
