Mungesa e titujve prej shumë vitesh i ka bërë të reflektojnë drejtuesit e Atletico Madridit, kryesisht trainerin Diego Simeone.
Argjentinasi pa dyshim e ka treguar në të kaluarën potencialin nën drejtimin e ‘’ Los Colchoneros ‘’ por rivaliteti sa vjen edhe ashpërsohet në çdo kompeticion, arsye e cila i detyron që të japin maksimumin gjatë merkatos së verës.
Prej vitesh tashmë, kryeqytetasit renditen në katërshën e parë të La Ligas dhe janë pjesëmarres të rregullt në Champions League por çdo ekip ka nevojë për përmirësim.
Një ndër synimet e ‘’ El Cholos ‘’ është përforcimi i prapavijës, i cili këtë herë nuk ka shkuar përtej Spanjës.
Arnau Martinez i Gironas preferohet nga 54 vjeçari, lojtar që e ka humbur protagonizmin tek katalanasit për arsye të prezencës së Yan Coutos.
Në 20 sfidat e deritanishme, të shoqëruara edhe me dy asiste, 21 vjeçari konsiderohet një element që mund ti ndihmojë ‘’ Los Rojiblancos ‘’ në të ardhmen, ekip aspirues për fitimin e trofeve, në Spanjë dhe jo vetëm.
Me vetëm Nahuel Molinen në këtë pozicion, është shumë pak për garancinë e mbarëvajtjes se këtij reparti dhe duke ditur se Atletico Madridi drejtohet nga një trainer si Diego Simeone, pritej një reagim i tillë.
Megjithatë, Atletico Madridi s’do të jetë i vetëm në këtë garë pasi disa pretendentë i kanë trokitur në derë drejtuesve të Gironas për Arnau Martinez, çka do të thotë se nuk do të jetë aq e lehtë për arritjen e këtij objektivi, pavarësisht se flitet për një ekip shumë cilësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
