Sulmuesi Lautaro Martinez ishte një nga lojtarët më të përfolur në merkaton verore . Për argjentinasin u interesuan Arsenali , Tottenham Hotspuri dhe Atletico Madridi të cilët i ofruan 70 milionë euro zikaltërve . Kur u mendua se ishte një hap larg ‘’ Giusseppe Meazzas ‘’ tashmë kjo histori ka ndryshuar plotësisht sepse 23 vjeçari i ka qëndruar besnik kampionëve në fuqi të Serisë A .
Tentativat e shumta të drejtuesve kanë dhënë efekt dhe Interi do të ketë një garanci shumë të madhe për shënimin e golave .
Pavarësisht se largimi i Romelu Lukakut i ka prishur disi skemat e italianëve, prezenca e ishi-t të Racing Club krijon shumë entuziazëm për vijimin ashtu siç duhet . Me një golashënues të tillë , Interi do ta ketë më të lehtë gjatë këtij sezoni në të cilin do të mundohet të mbrojë me çdo kusht titullin e 19-të të Scudettos dhe patjetër prezantimit dinjitoz në Uefa Champions League .
Sezoni i kaluar për sulmuesin e kombëtares ‘’ Albiceleste ‘’ përfundoi me 48 ndeshje , 19 gola dhe 11 asiste , statistikë që shpreson ta përmirësojë në një sezon që pritet të jetë shumë kompetitiv dhe me të papritura por fakti i të qënit pjesë e një skuadre fituese ia lehtëson rrugën drejt suksesit sulmuesit të mirënjohur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
