Interesi i Chelseat për Evan Ferguson, menjëherë është pasuar me reagimin e drejtuesve të Brightonit, të cilët kanë deklaruar çmimin për të cilin janë të gatshëm ta lejojnë largimin e tij nga ‘’ The Amex ‘’.
Sipas ‘ The Standart ‘ 100 milionë stërlina është vlera që duhet të shpenzojë Todd Boehly për 19 vjeçarin, e barazvlefshme me 116 milionë euro.
Sulmuesi ka treguar se e meriton kalimin tek një ekip elite dhe sigurisht interesi i ‘’ Bluve të Londrës ‘’ e ka shtuar entuziazmin tek drejtuesit e rivalëve, duke qenë se flitet për një shifër të konsiderueshme.
Irlandezi vijon me performancat shumë të mira tek Brightoni dhe për sa i përket sezonit aktual, i ka ndihmuar bardheblutë me 6 gola në 24 sfida.
Kryeqytetasit e kanë filluar shumë keq sezonin dhe një ndër objektivat e Mauricio Pochettinos për fazën e dytë është gjetja e një sulmuesi cilësor.
Traineri argjentinas ka ende shumë për të treguar pasi në Premier League Chelsea momentalisht renditet në vendin e 10-të pas 20 sfidave, 11 pikë larg Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
