Vështirësitë e hasura në kohët e fundit, sidomos pas marrjes së drejtimit të Manchester United nga Ruben Amorim, e kanë vënë seriozisht në dyshim qëndrimin e Joshua Zirkzees.
Sigurisht po përflitet se hollandezi mund të ndryshojë shumë shpejt destinacionin, i cili ka humbur pikë gjatë eksperienceë me ‘’ Djajtë e Kuq ‘’.
Golashënuesi është shumë larg paraqitjeve me Bolognan, fakt i reflektuar me vetëm një gol dhe dy asiste në 16 sfidat e zhvilluara me 20 herë kampionët e Premier Leagues.
Mirëpo një dritë për të është shfaqur në fund të tunelit dhe është Juventusi skuadra që pretendon të marrë shërbimet e tij.
Me kapacitetin e treguar dhe moshën mbi supe Joshua Zirkzee e ka provuar se mund të adaptohet në disa pozicione të ofensivës dhe traineri Thiago Motta e shikon një avantazh për të ardhmen e torinezëve.
Momentalisht vlera e kartonit në merkato i arrin 50 milionë eurot dhe paraprakisht anglezët e kanë deklaruar se pretendojnë 52 milionë euro për sulmuesin.
Rikthimi në Serinë A sigurisht do të ishte në një kontekst ndryshe për arsye se nëse arrihet marrëveshja, do të përfaqësojë ngjyrat e ish fituesit e kësaj lige për nëntë sezone rradhezi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
