Igli Tare, pritet të largohet nga Lazio këtë verë, ku mban postin e drejtorit sportiv prej 14 vitesh.
Përplasjet e fundit në klub, ku shkak është bërë afrimi i ish-drejtorit të Salernitana, Angelo Fabiani, duket se kanë shtyrë Taren të mendojë për një aventurë të re.
Sipas asaj që raportojnë mediat italiane, Tare ka qenë ditën e djeshme në bisedime me klubin e Serie B, Parma. Këta të fundit thuhet se i kanë ofruar 800 mijë euro në sezon dhe një kontratë 2-vjeçare.
Tare nuk ka marrë ende një vendim përfundimtar dhe këtë pritet të bëjë në ditët e ardhshme, ku gjasat janë të mëdha që të pranojë ofertën e Parmës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
