Merkatoja vijon të jetë prioritet për Barcelonën me qëllimin e rikthimit tek suksesi . Katalanasit i kanë kaluar kufinjtë dhe kanë preferuar skuadrën e Millonarios e cila militon në kampionatin kolumbian.
Daniel Ruiz po ndiqet me kujdes nga drejtuesit e ‘’ Los Cules ‘’ , mesfushor i cili sipas ‘ Sport ‘ preferohet edhe nga Manchester City dhe Benfica.
Spanjollët janë të impresionuar nga talenti i lindur në Bogota, i cili sezonin e kaluar e finalizoi me 8 gola në 45 sfida si dhe kontriboi me 14 asiste për shokët e ekipit.
‘’ Blaugranët ‘’ po mendojnë transferimin e Daniel Ruiz në ‘’ Camp Nou ‘’ gjatë merkatos verore , kontrata e të cilit me Millonarios mbetet në fuqi deri në 2024-tën dhe vlera aktuale e kartonit sipas ‘ Transfermarkt ‘ arrin 4.5 milionë eurot.
Daniel Ruiz konsiderohet një zëvëndësues i denjë në mungesë të Osumane Dembeles dhe Ansu Fati-t edhe pse ky i fundit mund të bëjë gati valixhet gjatë janarit pasi ulja në stol vijon të jetë shqetësimi kryesor i talentit nga Guinea-Bisau .
Megjithatë kërcënimi kryesor për kuq e blutë është Manchester City pa harruar as Benficën, ekip që shquhet për potencialin ekonomik dhe nuk përjashtohet fakti se ‘’ The Citiziens ‘’ mund ti befasojnë katalansit në periudhën e transferimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
