“Nuk ka grintën e Italisë, por Holanda do ndryshojë marsh”, kështu shprehet Sulejman Starova, në analizën pas ndeshjes së “tulipanëve”. Në emisionin “Euro Zone” në MCN TV, drejtori i Teutës ka thënë se tifozët holandezë nuk duan skemën 3-5-2 që përdor trajneri De Boer.
“Tifozët e duan Holandën e dikurshme. Malen për mua nuk është “pyka” më e mirë që ka pasur Holanda. Depay është shumë i mirë. Ndoshta holandezët nuk kanë futur marshin tjetër. Kjo Holandë nuk e ka grintën e Italisë. Mendoj se duhet ta shikojmë dhe kam besim se një marsh do e ndryshojnë. Ambiciet, stofin dhe fanellën e kanë. Tifozët e Holandës nuk e duan këtë skemë të De Boer.”, u shpreh Starova.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
