Trajneri Hasan Gurabardhi njihet si një tifoz i zjarrtë i Gjermanisë, teksa këtë e ka shfaqur hapur edhe në emisionin “Euro Zone” në MCN TV. Si një tifoz gjerman, ai e urren edhe Italinë, kjo për shkak të rivalitetit të madh ndër vite mes dy kombëtareve. Për këtë arsye, në formë shakaje Gurabardhit iu dhurua një fanellë e Italisë, të cilën ai e refuzoi, duke thënë edhe një batutë.
“Më mirë të më jepni ndonjë helmin sesa bluzën e Italisë. Është e tmerrshme fanella e Italisë. Gjashtë turnetë që ka bota, Bajerni i fitoi të gjitha. Gjithmonë gjyqtari ka atë hilen, italianët i kanë këto.
Nëse humb Gjermania? Unë e kam fituar Europianin, pasi ka dhënë dorëheqjen trajneri aktual. E vetmja frikë kisha Spanjën, por mesa pashë sot, më iku frika. Këto të tjerat nuk na kapin ne. Njëherë kam bërë tifoz për Italinë. Në prill 2019 është bërë finalja, kur Erblira Bici luante për Novarën dhe bëra tifoz për ata.”, u shpreh Gurabardhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
