Revolucioni i menduar nga drejtuesit e Barcelonës është duke i dhënë rezultatet shumë shpejt . Përpos lojtarëve që synohen , ‘’ Blaugranët ‘’ kanë ditur ta menaxhojnë shumë mirë edhe çështjen e largimeve .
Kuq e blutë kanë arritur një sukses në këto kohë të vështira pandemie sepse mundën ti gjejnë vendin mbrojtësit Jean Calir Todibo . Francezi është rikthyer në Ligue 1 tek Nica për afërsisht 16 milionë euro , hap që konsiderohet mëse pozitiv për Barcelonën .
Huazimi 6 mujor ia ka qartësuar mendimet ‘’ Los Cules ‘’ se duhet ti hapin rrugën e largimit nga ‘’ Camp Nou ‘’ për ti dhënë shansin e rikuperimit të versionit më të mirë që e kishte humbur tek Barcelona .
Dihet botërisht që konkurrenca tek katalanasit është shumë e ashpër dhe tashmë shpresohet se me kalimin tek Nica do të shijojë shumë momente të bukura në fushë pas dëmtimeve të njëpasnjëshme që nuk e lanë të ngrejë kokën në të kaluarën .
Tashmë kjo periudhë e hidhur në karrierë parashikohet se do të marrë fund sepse Nica është një skuadër me shumë kualitet dhe këtë fakt e ka provuar edhe në të kaluarën me pjesëmarrjen në Europa League .
Nga ana tjetër Barcelona shpreson ta fillojë sezonin vijues me këmbën e mbarë me idenë e ngulitur thellë në kokë e cila ka të bëjë me arritjen tek suksesi .
Jean Clair Todibo e ka mbyllur sezonin me 19 ndeshje dhe 1 gol por s’kanë mjaftuar aspak për t’ia mbushur mendjen Ronald Komanit për ta patur pjesë të organikës edhe në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
