Në momentin më të mirë të karrierës dhe me një të ardhme brilante përpara, Chelsea do ta ketë shumë të vështirë për të siguruar qëndrimin e Antonio Rudiger në ‘’ Stamford Bridge ‘’ nëse drejtuesit nuk do t’ia plotësojnë kërkesat gjermanit.
Largimi i Niklas Sule nga ‘’ Allianz Arena ‘’ i ka prodhuar dhimbje të forta koke Bayern Munchen ,ekip që nuk pranon të dorëzohet për 28 vjeçarin , i cili e përfundon kontratën në 30 qershorin e ardhshëm dhe ky fakt e afron edhe më shumë me rekordmenët e Bundesligës.
Çështja në fjalë konsiderohet një prioritet për Julian Nagelsmann sepse e vlerëson shumë kontributin e ishi-t të Romës me ‘’ Blutë e Londrës ‘’ dhe synon të dëmtojë kundërshtarët e mundshëm në Champions Leaguen duke firmosur me një nxënës shembullor të Thomas Tuchelit.
Kjo histori nuk ka avancuar shumë për Real Madridin sepse ‘’ Galaktikët ‘’ u tërhoqën menjëherë për arsye se Antonio Rudiger pretendon 12 milionë euro në sezon dhe xhepat e Florentino Perezit nuk mund ta përballojnë këtë shifër .
Fare pak vite i janë nevojitur qëndërmbrojtësit nga Berlini i cili me shumë sakrifica ka arritur të avancojë duke u përfshirë ndër më të preferuarit dhe lufta mbetet e hapur sepse nga një krah Chelsea lufton për qëndrimin dhe në tjetrin në Mynih po mundohen të përfitojnë nga çdo kundrakohë e britanikëve për të firmosur me yllin e prapavijës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
