Sulejman Starova, edhe zyrtarisht është kandidat për president të Federatës Shqiptare të Futbollit. Në emisionin “Skaner” në MCN TV, Starova falënderoi klubet dhe Shoqatat që e propozuan atë si kandidat.
Megjithatë Starova e pranoi se presidenti aktual, Armand Duka është favorit, pasi sipas tij e duan në futboll.
“E kam thënë që kam një jetë që merrem me futboll dhe do e bëj sa të kem frymën. Është koha për të paraqitur programe si do e dërgojmë futbollin përpara. Duka është i avantazhuar, pasi duket se familja e futbollit është e kënaqur nga puna e tij. Arritje është edhe qenia si anëtar i KE në UEFA. E rëndësishme është që të paraqesim një program që futbolli të ecë përpara.
Përfitoj nga rasti klubet që Shoqatat që bënë të mundur kandidimin tim. E rëndësishme është që programi, me ose pa mua, të realizohet me ato që unë pretendoj. Anëtarët janë në dijeni të programit që kam unë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
