Interesi masiv për Takefusa Kubon ka filluar ti parapërgatisë drejtuesit e Real Sociedadit për largimin e mundshëm të tij në fundin e sezonit.
Në fillim Real Madridi dhe tanimë Newcastle dhe Arsenali kanë ndezur motorrët për japonezin.
‘’ Los Txiuriurdines ‘’ pretendojnë 60 milionë euro për largimin e mesfushorit nga ‘’ Reale Arena ‘’ dhe si ‘’ Topchinjtë ‘’ ashtu edhe bardhezinjtë janë të gatshëm t’ia plotësojnë kërkesën ekipit nga San Sebastian.
Niveli i treguar nga 22 vjeçari pa dyshim e rrit insitimin nga skuadrat e lartpëmendura, edhe pse Real Sociedadi mbetet një kockë e fortë, në Spanjë dhe jo vetëm.
Në fundin e sezonit karriera e ishi-t të Villarealit mund të ndryshojë, e cila parashikohet se do të shoqërohet me një avantazh në aspektin ekonomik.
Takefusa Kubo është një lojtar tejet i rrezikshëm në metrat të fundit, tek i cili spikat teknika dhe shpejtësia, komponentë që e avantazhojnë, sidomos në duelet një kundra një.
7 gola dhe 3 asiste në 30 sfida, pa anashkaluar faktorët e sipërpërmendur tregojnë se kemi të bëjmë me një lojtar, prezenca e të cilit mund ti japë një tjetër impakt ofensivës së çdo ekipi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
