Trajneri i kombëtares shqiptare, Xhani De Biazi, ditën e djeshme refuzoi përfundimisht ofertën e presidentit të Palermos, Maurizio Zamparini, për t’u vendosur në krye të klubit siçilian.
Sipas shtypit italian, mësohet se gjatë javës së fundit trajneri i kuqezinjve dhe numri 1 i Palermos janë takuar 2 herë për të diskutuar mundësinë e emërimit të italianit në krye të skuadrës që rrezikon seriozisht rënien në Serinë B. Për ta bindur që të pranonte ofertën, Zamparini i ofroi De Biazit që të mund të drejtonte Palermon pa hequr dorë nga Shqipëria, pra të ishte trajner i të dy ekipeve paralelisht.
Një ofertë e tillë e tundoi disi teknikun e kombëtares kuqezi, por në fund pasi analizoi mirë situatën, ai vendosi të refuzonte një propozim të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
