Luis Suarez padiskutim është njeriu i sezonit te Atletico Madrid, që sot fitoi kampionatin në La Liga. Uruguaini ka kontribuar me gola gjatë gjithë vitit, por sot dopieta e tij ishte më e vlefshme se kurrë pasi i dha fitoren ekipit kundër Valladolid.
Pas ndeshjes, sulmuesi uruguaian e kishte të pamundur t’i mbante lotët, teksa u ul në fushë, dhe me telefonin në dorë, qante si një fëmijë. Moment emocionues ky, duke ditur edhe sesi lojtari mbërriti te Atletiko në fillim të sezonit. Te Barcelona e nënvlerësuan Suarezin dhe i kërkuan largimin, duke i thënë se nuk ishte në planet e klubit.
Për këtë ka folur edhe sulmuesi pas ndeshjes, ku është shprehur: “Ishte një sezon i vështirë, për mënyrën sesi nuk më vlerësuan te Barcelona dhe te Atletiko më hapën derën. Shumë njerëz vuajtën për mua. Më së shumti vuajtën gruaja dhe fëmijët e mi. Atletiko kishte një sezon shumë të vështirë. Mesi do jetë i lumtur për mua, sepse ne jemi miq.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
