Rikthimi i Jose Mourinhos tek Real Madridi po e ndryshon me shpejtësi historinë gjatë kësaj merkatoje vere.
Flitet se Marcelo Brozovic në pak kohë do të veshë bluzën e ‘’ Los Blancos ‘’, i cili e ka finalizuar eksperiencën me Al-Nassr.
Kroati do të firmosë për një sezon, deri në qershorin e 2027-tës. Me 33 vite mbi supe mesfushori vijon të shkëlqejë në fushën e blertë, i cili evidentoi cilësitë edhe në Arabinë Saudite, kampionat gjithsesi shumë larg atyre në kontinentin e vjetër në aspektin cilësor por në atë ekonomik vijon të bëjë diferencën.
Në të shkuarën Marcelo Brozovic ishte referent tek Interi dhe natyrisht që La Liga do të jetë një tjetër sfidë interesante, tek të ashtuquajturit ‘’ Los Merengues ‘’.
Duhet theksuar se flitet për një lojtar të konsoliduar tashmë, edhe tek kombëtarja ‘’ Trikolor ‘’, ish nënkampion i botës në 2018-tën.
Referencat e ‘’ The Special One ‘’ për fantazistin nga Zagrebi janë shumë të mira, i cili do të ketë një përgjegjësi të madhe dhe natyrisht do të konsiderohet i privilegjuar nëse do të kalojë në ‘’ Santiago Bernabeu ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
