Huazimi nga Atletico Madridi tek Deportivo Alaves i ka shërbyer sulmuesit Samu Omorodion për të treguar cilësitë.
Sulmuesi u aktivizua në sezonin e kaluar me ‘’ Los Babazorros ‘’, i cili në 34 sfida, të shoqëruara me 8 gola dhe 1 asist evidentoi se mbetet shumë i rëndësishëm në metrat e fundit.
Menjëherë Chelsea ka nisur ofensivën për golashënuesin e lindur në Melilla të Spanjës, shumë premtues për vijimësinë.
Sipas gazetarit të specializuar në merkato Nicolo Schira, pronari i ‘’ Bluve të Londrës ‘’ Todd Boehly po mendon ti ofrojë një kontratë deri në 2031-shin duke filluar nga 2 milionë euro pagë vjetore, e cila mund të rritet në mënyrë progresive deri në 6 milionë euro.
Traineri Enzo Maresca beson në aftësitë e Samu Omorodion dhe në këtë histori ‘’ Los Colchoneros ‘’ mund të dalin të fituar .
Duke iu referuar progresit tashmë kartoni i tij vlerësohet me 40 milionë euro, një shifër e konsiderueshme, e cila tregon mbi të gjitha aftësitë e drejtuesve të spanjollëve për ti zhvilluar talentët.
Adaptimi në disa skema loje ia rrit ndjeshëm vlerat dhe i mundëson gjithashtu përforcimin e arkave Atletico Madridit, gjithmonë nëse do të arrihet marrëveshja ndërmjet palëve.
Premier League vijon të jetë një ndër ligat më kompetitive në botë, sigurisht dëshirë e shumë lojtarëve edhe për aspektin ekonomik dhe për rastin në fjalë, drejtuesit e ish fituesve të Champions Leagues shpresojnë të qëllojnë në shenjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
