Ashtu siç është përfolur edhe disa kohë më përpara zërat për të ardhmen e Robert Lewandovkit vazhdojnë të rendin pa ndalim . Agjenti i polakut Pini Zahavi është i gatshëm ta largojë nga ‘’ Allianz Arena ‘’ për ti dhënë shansin e ndryshimit të destinacionit . Fakti i të qënit ndër golashënuesit më të shquar të aktualitetit i krijon guximin skuadrave me emër për ta transferuar edhe pse mban 32 vite mbi supe. Arsyeja e fillimit të kësaj historie është se marrëdhëniet me drejtuesit bavarezë janë zbehur sidomos pas largimit të Hansi Flick .
Portali i famshëm gjerman ‘’ Bild ‘’ e pozicionon golashënuesin ndër kandidatët kryesorë për tu larguar nga Mynihu gjatë verës dhe çmimi i vënë nga kampionët e Bundësligës është rreth 60 milionë euro . Në të kaluarën u përfol disa herë për një largim në Amerikë sepse konsiderohet si toka e premtuar e lojtarëve që janë drejt mbylljes së ciklit dhe interes për të asokohe shfaqën Los Angeles Galaxy dhe Los Angeles Fc , pistë që ndoshta do të marrë rëndësinë e duhur në vijimësi .
Edhe pse siç dihet botërisht se kapitali i tyre nuk është në lartësinë e pretendimeve të yjeve duhet pritur merkatoja e verës për të patur një panoramë më të qartë. 37 golat e shënuar dhe 8 asistet në 43 ndeshje me Bayernin e përkufizojnë si një vrasës serial dhe arritjet e deritanishme ia mundësojnë përsëritjen e suksesit . Me këto statistika sulmuesi nga Varshava mund të quhet me meritë vdekjeprurës dhe besohet se skuadrat e njohura nuk do ta largojnë për asnjë çast fokusin nga evolucioni i magjishëm i bërë prej tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
