Eriksen: Derbi ktheu historinë, kam shumë për të dhënë te Interi

Christian Eriksen deri në fillim të këtij viti ishte një lojtar i mbaruar për Interin, por ajo goditje dënimi në Kupën e Italisë kundër Milanit ‘ringjalli’ danezin, i cili prej atij moment ka fituar edhe një vend në formacion. Së fundmi vetë 29-vjeçari në një intervistë për televizionin danez “TV2”, ka treguar se kush ishte momenti kthesës, ndërsa kujdeset të evidentoj se ka shumë për të dhënë për Interin.

Përshtatja: “Ishte sezoni më i vështirë dhe më i kërkuar në karrierën time. Ishte sikur të ngjitesha lart e poshtë vazhdimisht, por tani ndihem sikur jam ambientuar mirë. Me të vërtetë dëshiroja të luftoja për vendin tim dhe gjithmonë e kam bërë. Isha i sigurt se nëse do të vinte shansi im, do të bëja më të mirën time. Ishte e vështirë mendërisht. Kam ardhur në Inter për të luajtur futboll dhe kur nuk ju lejohet ta bëni, është e bezdisshme”.
Jeta në Milano: “Jashtë fushës ishte absolutisht fantastike. Milano është një qytet i bukur dhe familja është mirë. Vetëm në fushë diçka mungonte. Të jesh lojtar i Interit ka qenë gjithmonë  mirë, por momenti më i mirë është të jesh në gjendje të luash më shumë. Po kaloj shumë mirë, isha mirë në izolim dhe u përqëndrova”.
Pika e kthesës: “Për një numër të pabesueshëm të ditëve, pas stërvitjes dhe lojrave, unë u stërvita më shumë. Një goditje e lirë, një goditje në shenjë, pata mundësinë të stërvitesha më shumë sepse nuk luaja shumë. Unë isha pak me fat, por ishte një fillim i ri. Njerëzit filluan të më shikonin me sy të ndryshëm. Unë jam përmirësuar nga lojë në lojë dhe jam i lumtur që gjërat shkuan kështu. Unë mendoj se kjo goditje e lirë më ndihmoi shumë, më ndihmoi mënyrën sesi njerëzit i shikonin gjërat nga jashtë dhe unë kisha provë se unë ende mund të luaj mirë futboll dhe se mund të bëj edhe një goditje të lirë nëse ekziston një mundësi”.
E ardhmja: “Është shumë mirë që mund ta sfidoj veten time, por prapë ndjej se ka shumë gjëra që mund të provoj. Ende ndihem sikur kam shumë brenda. Zbulova se sa shpejt ndodhin gjërat në futboll. Tani le të shohim se si shkon dhe çfarë sjell e ardhmja.”