Sezoni aktual është shëndërruar në një sukses absolut për Vinicius Junior i cili me mbështetjen e Karim Benzemas në majën e sulmit po i jep shumë kënaqësi Real Madridit .
Braziliani e ka hedhur shumë shpejt pas krahëve të kaluarën që e vuri në qendër të kritikave dhe tanimë ka fituar besimin e Carlo Ancelottit duke e shtruar rrugën drejt rinovimit .
‘’ Galaktikët ‘’ e konsiderojnë të domosdoshme prezencën e 21 vjeçarit i cili sipas Fabrizio Romanos po negocion për rinovimin deri në 2027-tën , tepër të merituar për kontributin tek madrilenët.
Sigurisht ky hap i rëndësishëm për të ardhmen do të shoqërohet edhe me një rritje rroge .
Ishi i Flamengos nuk i trembet aspak transferimeve të mundshme në ‘’ Santiago Bernabeu ‘’ të Erling Haaland dhe Kylian Mbappes sepse besimi në vetvete ia ka mbajtur gjithmonë hapur rrugën drejt suksesit .
Me kontratën e re , Vinicius Junior do t’ia mbyllte përfundimisht derën Paris St Germain apo Manchester United , skuadra që ëndërronin se mund t’ia rrëmbenin ‘’ Los Blancos ‘’, për të cilët do të konsiderohej një autogol fuqizimi i rivalëve të mundshëm në Champions League .
Vinicius Junior sapo e ka nisur rrugën drejt suksesit dhe mbështetja e fuqishme dhe njëkohësisht privilegji i të përfaqësuarit të ngjyrave të Real Madridit i ka shërbyer si motiv për të arritur objektivat .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
