Partizani duket se nuk ka ndërmend të ndalet në merkato, teksa së fundmi ka bërë edhe afrimin e fundit. Arinaldo Rrapaj është lojtari më i ri i të kuqve. Ndonëse “demat e kuq” ende nuk e kanë zyrtarizuar mesfushorin, ka qenë ky i fundit që nëpërmjet rrjeteve sociale ka bërë të ditur se është lojtari më i ri i Partizanit.
Talenti vlonjat ka qenë një dëshirë e vetë trajnerit Ilir Daja, i cili e kërkoi edhe në verën e kaluar, por për shkak të merkatos së bllokuar, nuk ia doli dot ta kishte nën urdhrat e tij.
19-vjeçari është bashkuar ditën e sotme me skuadrën e kuqe, e cila vazhdon përgatitjet në Ohër. Rrapaj bëhet afrimi i katërt në pak ditë te Partizani, pasi më parë janë zyrtarizuar Herald Marku, Emiljano Musta dhe Dajan Shehi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
