FIFA ka vendosur të gjobisë Federatën e Rusisë dhe Serbisë, për shkak se tifozët e këtyre dy kombëtareve kanë mbajtur pankarta me përmbajtje raciste.
Më 30 qershor tifozeria ruse ka shpalosur në sfidën kundër Uruguait pankarta me përmbajtje neo-naziste dhe për këtë veprim FIFA ka vendosur që Federata Ruse është e detyruar që të paguajë një gjobë prej 10 mijë dollarësh.
FIFA ka thënë se pankartat përfshinin edhe numrin 88, kod i përdorur nga neo-nazistët për përshëndjetjen “Heil Hitler”.
Ndërkohë, përvec Federatës Ruse, FIFA ka gjobitur dhe Federata serbe të Futbollit që është urdhëruar që të paguajë 20 mijë dollarë, pasi tifozët serbë kanë mbajtur pankarta për të festuar një grup nacionalist të Luftës së Dytë Botërore, gjatë ndeshjes mes Serbisë dhe Brazilit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
