Trajneri i Romës, Daniele De Rossi, foli në konferencë për shtyp, në prag të sfidës së kthimit në çerekfinalen e Europa League, ndaj Milanit.
De Rossi e cilësoi si ndeshje vendimtare atë ndaj kuqezinjve, ndërsa deklaroi se një gol i shënuar, do të ishte goditje e rëndë për kundërshtarin.
Luhet një ndeshje përcaktuese për fatin e sezonit, shumë e rëndësishme, pasi Europa League është një objektiv i skuadrës. Është një mundësi e shkëlqyer për të siguruar edhe një biletë për në Champions League sezonin e ardhshëm.
Ne jemi të vetëdijshëm se për të kaluar për më tej duhet të fitojmë me çdo kusht, në të kundër do të jemi jashtë. Ne do të bëjmë lojën tonë, do të përpiqemi të mbrohemi mirë, por dhe t’i bëjmë keq Milanit. Nëse do shënojmë një gol, për ta do të ishte një goditje e fortë.
Roma fitoi minimalisht në ndeshjen e parë në Milano dhe kualifikimi duket shumë afër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
