Ecuria shpresëdhënëse e Antoine Semenyo në rradhët e Bournemouthit me kalimin e javëve po i siguron pretendentë cilësorë.
Chelsea, skuadër e cila pritet të jetë një ndër protagonistët e merkatos së verës do të tentojë transferimin e londinezit gjatë kësaj periudhe, determinante për vijimësinë.
Traineri Enzo Maresca është bindur nga paraqitjet e anglezit, i cili gjatë 23 sfidave të sezonit aktual, ka kontribuar me 7 gola dhe 3 asiste, duke e bërë krenar trainerin Andoni Iraola.
Të spikasësh në një kampionat si Premier League sigurisht është shumë e vështirë dhe në fakt e ardhmja e Antoine Semenyos mund të ndryshojë në rastin e një kalimi në ‘’ Stamford Bridge ‘’.
‘’ Blutë e Londrës ‘’ në çdo sezon pretendojnë shtimin e trofeve në vitrinën e tejmbushur dhe tashmë pronari Todd Boehly thuhet se do të ofrojë 50 milionë euro për golashënuesin.
Duhet nënvizuar se ishi i Bristol City-t në Championship mund të adaptohet në çdo pozicion të ofensivës, i cili i ka dhënë një ndihmë britanikëve, edhe pse është një ekip i cili konsiderohet mesatar në një ndër pesë ligat më të rëndësishme të Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
