Presidenti i FIFA-s, Gianni Infantino, po përgatitet për mandatin e tretë të tij, në krye të institucionit më të rëndësishëm të futbollit në botë.
Zgjedhjet presidenciale të FIFA-s, do të mbahen më 16 mars të vitit të ardhshëm dhe fituesi tashmë dihet. Infantino do të vazhdojë në krye edhe për katër vitet e ardhshme, pasi asnjë kandidat nuk ka dalë për ta sfiduar atë.
Kjo u komunikua nga organi drejtues i futbollit botëror. Avokati 52-vjeçar zviceran u bë president i FIFA-s në vitin 2016, duke zëvendësuar Sepp Blatter dhe u rizgjodh në vitin 2019.
Në këtë pikë Infantino pritet të qëndrojë në detyrë përtej Botërorit 2026 të planifikuar në Shtetet e Bashkuara, Kanada dhe Meksikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
