Prej kohësh tek Barcelona po punohet fort në lidhje me përforcimin e krahut të djathtë të mbrojtjes, një problematike ndër vite e kësaj skuadre. Momentalisht drejtuesit e kuq e bluve po analizojne dy opsione, konkretisht Joao Cancelon dhe Ivan Fresnedan por sipas ecurisë së deritanishme portugezi ka me shumë shanse për tu transferuar në ‘’ Camp Nou ‘’ për arsye të eksperiencës , në nivel klubesh dhe gjithashtu kombëtaresh. Vendimi i drejtuesve do të jetë determinant për të ardhmen e këtij pozicioni, i cili ka ndikuar në shumë raste pavarësisht rezultateve pozitive të Barcelonës. Gjithsesi do të jetë një zgjedhje e cila meriton një analizë të detajuar pasi duhet parë se kush nga këto dy lojtarë përshtatet më mirë me mënyrën e lojës që zhvillojnë kampionët në fuqi të La Ligas. Që pas largimit të Dani Alvesit , në këtë pozicion janë vënë re luhatje të shpeshta dhe synimi i ‘’ Blaugranëve ‘’ është ti japin fund sa më shpejt të jetë e mundur kësaj historie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
