Humbja me Benfica, Allegri: Ndodhin edhe këto! Nuk është mbyllur asgjë

Trajneri i Juventusit, Massimiliano Allegri, ka folur për mediat, pas ndeshjes në Champions League, ku skuadra e tij u mposht 1-2 nga Benfica.

Allegri tha se situata të tilla në futboll ndodhin, por shtoi se asgjë nuk është mbyllur dhe beson të kalimi i grupit në Champions League, ndonëse skuadra e tij pas dy ndeshjeve numëron 0 pikë, ndërkohë që rivalët janë në krye me nga 6 pikë.

Është e vështirë të shpjegosh atë çfarë ndodhi, por pas rezultatit 2-1 ndeshja përfundoi, paraqitja ishte e shëmtuar edhe nëse do të barazonim. Tani nuk shërben të flasësh, por vetëm të punojmë e mendojmë për fushën e lojës.

Skuadrës i kam thënë që në futboll këto momente rastisin dhe duhet të dalim prej tyre kolektivisht. Në Champions është e vështirë, por nuk është mbyllur asgjë. E kuptoj momentin e vështirësisë që jeton ekipi, në këto situata mjafton të pësosh një penallti për të ndryshuar gjithçka.

A jam i shqetësuar? Nuk duhet të mendojmë për shqetësimet, duhet vetëm të veprojmë.

Kemi pak vështirësi por na mungojnë disa lojtarë. Duhet të punojmë me qetësi dhe me përgjegjësi të gjithë