Arsenali, në avantazh për Gyokeres

Në kontinentin e vjetër po spikasin disa sulmues, të cilët po bëjnë diferencën në ekipet respektive.

Kësaj liste s’kishte si ti mungonte Viktor Gyokeres, një rrezik i vazhdueshëm për çdo rival.

Suedezi ka ditur të performojë në mënyrë të shkëlqyer tek Sporting Lisbona, për të cilin thuhet se Arsenali është disi në avantazh në krahasim me ekipet e tjerë.

‘’ Topchinjtë ‘’ po kërkojnë një qendërsulmues dhe traineri i tyre Mikel Arteta ka mbetur i befasuar me atë që ai i kryeqytetasve po tregon në çdo ndeshje.

Sezoni i shkuar reflektoi se kemi të bëjmë me një ndër më cilësorët në qarkullim, i përfunduar me 43 gola në 50 sfida, një statistikë impresionuese.

Kapaciteti në dylufimet një kundra një dhe gjithashtu në luftën në ajër e bëjnë 26 vjeçarin një element i cili garanton shumë për vijimësinë.

Megjithatë, paraprakisht drejtuesit e ish kampionëve të Portugalisë i kanë bërë mirë llogaritë, të cilët pretendojnë 100 milionë euro për largimin e ishi-t të St Paulit nga ‘’ Jose Alvalade ‘’.

Kjo shifër po justifikohet nga nxënësi i Ruben Amorim, për të cilin merkatoja e verës do të jetë shumë e rëndësishme.

13 herë kampionët e Premier Leagues janë një ekip me traditë, sidomos në Angli, por mbetja në prapavijë në lidhje me titujt e bën të domosdoshme merkaton cilësore dhe në rastin konkret përforcimin e ofensivës.