Përpara sfidës së parë gjysmëfinale në “Champions League” mes Liverpool dhe Romës, ultrasit e "The Reds" kanë krijuar një situatë spektakolare jashtë stadiumin “Anfield Road” kur dy ekipet kanë mbërritur.
Ashtu si para ndeshjes me City-n, edhe këtë herë tifozët e Liverpool kanë dalë të presin në hyrje të stadiumit autobusin e ekipit për t’i dhënë zemër futbollistëve në këtë përballje deçizive. Atmosfera e krijuar ka qenë e pabesueshme dhe elektrizuese.
Tifozët kanë kënduar dhe kanë ndezur flakadanë para policëve të cilët ishin të shqetësuar se mos përsëritet e njëjta situatë si para sfidës me City-n e Guardiolës.
Disa tifozë të Liverpool kanë bërë shumë për të rënë në sy. Ata kanë hipur sipër furgonit të policisë duke brohoritur e kënduar për ekipin e tyre të zemrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
