U luajtën në mesjavë, 5 ndeshjet e Kategorisë së Parë U-21, të vlefshme për javën e dytë. Tirana fitoi derbin ndaj Partizanit, me bardheblutë që triumfuan pastër 3-0.
Fitore korri edhe Vllaznia që mposhti 3-1 Teutën. Kukësi fitoi minimalisht ndaj Apolonisë, ndërsa Dinamo u mund 1-2 nga Korabi.
Vazhdon të shkëlqejë edhe Bylis, që ia doli të triumfojë ndaj Egnatias, me shifrat 2-0.
Sa i takon renditjes, në krye janë tre skuadra me nga 6 pikë, Bylis, Kukësi dhe Korabi, ndërsa më pas vijnë Vllaznia me 4 pikë, Dinamo dhe Tirana me nga 3 pikë, Partizani me 1 pikë dhe renditja mbyllet nga Apolonia, Egnatia dhe Teuta, që ende nuk kanë grumbulluar asnjë pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
