Kalvaret e shumta të përjetuara tek Paris St Germain vazhdojnë ta lodhin Mauro Icardin . Duket sikur kupa është mbushur plotësisht për argjentinasin i cili është shumë i bindur për largimin nga ‘’ Parque De Prince ‘’ në merkaton e verës . Sipas L’Equipe zërat e fundit të lidhur me një transferim të mundshëm të Lionel Messit në kryeqytetin francez e kanë fuqizuar idenë e krerëve të presidencës për të mos llogaritur shërbimet e sulmuesit të mirënjohur për sezonin e ardhshëm .
Spekullimet e shumta e rikthejnë 28 vjeçarin në Serinë A , kampionat në të cilin nisi shpërthimin duke u shëndërruar në një lojtar të njohur në botën e futbollit . Aktualisht nxënësi i bashkombasit Mauricio Pochettino është duke vuajtur një dëmtim të pësuar në ndeshjen e kupës kundër kryesuesve të Lille-s i cili nuk i krijon mundësinë e aktivizimit në ndeshjen që Paris St Germain do të luajë sot në fushën e Strasbourg në orën 17.00 , e vlefshme kjo për javën e 32-të të Ligue 1 .
Kjo problematikë i shtohet statistikave që lënë për të dëshiruar në lidhje me këtë sezon sepse Mauro Icardi ka mundur të aktivizohet vetëm 19 ndeshje me gjigandët e Francës në të cilat ka shënuar 7 gola dhe ka asistuar me 6 të tjerë për shokët e tij , situatë që do të marrë përgjigjen e merituar gjatë merkatos së verës . Rikthimi i mundshëm në Scudetto do të perceptohej si një rini e dytë për sulmuesin e lindur në Rosario sepse njohja në perfeksion e këtij kampionati do t’ia parashtrojë rrugën drejt rikuperimit të versionit më të mirë në fushë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
