Gjatë kësaj periudhe huazimi tek Milani Joao Felix nuk ka mundur të shpalosë potencialin real të tij.
Një fakt i tillë tek një ekip si kuqezinjtë nuk tolerohet dhe me shumë gjasa sulmuesi do të largohet nga ‘’ San Siro ‘’ në fundin e sezonit.
Megjithatë, për ishi-n e Chelseat është shfaqur një dritë në fundin e tunelit dhe drejtuesit e Galatasaray-t ia kanë hapur dyert e ‘’ Ataturkut ‘’.
Ekipi turk mund të jetë destinacioni ideal për rikuperimin e terrenit të humbur edhe pse presioni është shumë i madh sepse është një ndër tre gjigandët e këtij kampionati.
Drejtuesit e tij besojnë fuqimisht se ato të ‘’ Bluve të Londrës ‘’ mund të pranojnë një huazim ose blerjen e kartonit për ti dhënë mundësinë e fillimit të një tjetër eksperiencë 25 vjeçarit.
Pritet që negociatat të vijojnë, duke qenë se palët e përfshira e konsiderojnë zgjidhjen e duhur për karrierën e Joao Felixit.
Të qënit pjesë e disa ndër ekipeve më cilësore në çdo kampionat ku është aktivizuar sigurisht i jep një lloj avantazhi golashënuesit nga Viseu në lidhje me adaptimin tek një tjetë shumë i rëndësishëm, gjithmonë nëse do të jetë Galatasaray.
Në rradhët e shtatë herë kampionëve të Champions Leagues nxënësi i Sergio Conceiçaos numëron vetëm 1 gol në 11 sfida, të shoqëruara me një lojë e cila ka lënë për të dëshiruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
