Thiago Silva njofton largimin nga Chelsea

Thiago Silva, do të largohet nga Chelsea në fund të sezonit aktual.

Kjo u bë e ditur nga vetë mbrojtësi brazilian. Teksa njoftoi largimin nga londinezët, Thiago Silva, u shfaq i përlotur, ndërsa tha se dashuria për klubin është e papërshkrueshme.

Chelsea do të thotë shumë për mua. Erdha për të qëndruar vetëm një vit dhe përfundova duke qenë pjesë e kësaj skuadre për katër vite. Fëmijët e mi të luajë për Chelsea-n, është një krenari e madhe të jesh pjesë e kësaj familjeje, shpresoj që ata të vazhdojnë karrierën e tyre këtu, në një klub ku të gjithë do të donin të ishin.

Në katër vitet e mia këtu kam dhënë gjithmonë gjithçka. Por, për fat të keq çdo gjë ka një fillim, një mes dhe një fund. Nuk do të thotë se kjo është përfundimtare, unë e lë ende derën hapur, shpresoj që në një të ardhme të afërt të jem në gjendje të kthehem, qoftë edhe në një rol tjetër, dashuria që ndiej është e papërshkrueshme.

Përshëndetjet janë për ata që largohen dhe nuk kthehen, por unë kam ndërmend ta rikthehem një ditë.