Pavarësisht se emri i tij u lidh ngushtë me shumë klube të njohur duket se dashuria ndërmjet Juventusit dhe Paulo Dybalas do të vijojë edhe për shumë vite të tjera .
Argjentiasi do të vërë firmën në kontratën e re në javët vijuese , lajm tepër shpresëdhënës për ofensivën bardhezi . Rikthimi i Massimiliano Allegrit patjetër që ka patur influencë në vendimin e 27 vjeçarit i cili do të qëndrojë në ‘’ Allianz Stadium “ deri në 30 qershorin e 2026- tës .
Për më tepër kjo kontratë do të shoqërohet me një rritje të konsiderueshme rroge të cilën sulmuesi nga Kordoba e meriton sepse në 7 sezone me ‘’ Zonjën e Vjetër ‘’ e ka dëshmuar rëndësinë brenda grupit .
Ky vendim ndoshta ka marrë më tepër forcë me largimin e Cristiano Ronaldos i cili u rikthye përsëri tek Manchester United dhe rruga e Paulo Dybalas për të spikatur është krejtësisht e lirë .
Ky sukses do ti japë mundësinë juventinëve për të vijuar me projektin që do të ketë si kryefjalë suksesin por me plotësimin e një ëndërre të hershme , fitimin e Champions Leagues .
Me Massimiliano Allegrin italianët do të jenë një rrezik konstant për çdo kundërshtar sidomos në Serinë A , kampionat në të cilin kanë eksperiencën e duhur për të ulur menjëherë Interin nga froni .
Ishi i Palermos e ka filluar sezonin me 3 gola dhe 2 asiste në 6 ndeshje , por rinovimi do ti japë më tepër besim për të shkëlqyer në vijimësi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
