Giacomo Vrioni vazhdon të shkëlqejë në kampionatin austriak, aty ku aktivizohet me skuadrën e Tirol. Sulmuesi shqiptar shënoi golin e parë të takimit ndaj Klagenfurt, ndonëse këta të fundit e përmbysën rezultatin dhe në fund triumfuan 2-1.
Në minutën e 23-të, pas një asisti të marrë nga Anselm, Vrioni me portën e boshatisur nuk e kishte të vështirë të shënonte.
22-vjeçari i dërgon kështu një mesazh trajnerit të Kombëtares, Edoardo Reja, i cili e la jashtë listës dhe nuk e grumbulloi për ndeshjet e muajit shtator.
Vlen të theksohet se ky është goli i tretë i Vrionit me fanellën e Tirol, në 5 ndeshje zyrtare të zhvilluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
