Duke qenë se jemi në fazën e vendimtare të sezonit, drejtuesit e shumë ekipeve vijojnë të bëjnë llogaritë për merkaton e verës.
Kjo periudhë si gjithmonë do të jetë një ndihmë për të nisur vijuesin ashtu siç duhet dhe kryesisht ekipet e elitës pritet të jenë protagonistë.
Manchester City asnjëherë nuk ka munguar në këtë listë, skuadër e ndryshuar totalisht falë Pep Guardiolas, njëkohësisht një ndër më të pasurat e botës.
Tekniku spanjoll ka marrë shënime pas disfatave kundër Real Madridit dhe i ka hapur derën e largimit nga ‘’ Etihad ‘’ shumë lojtarëve.
Lista është e gjatë dhe fillon me Kevin De Bruyne, Bernardo Silva, John Stones, Kyle Walker, Mateo Kovacic, Ilkay Gundogan, Ederson dhe Jack Grealish, element që nuk e kanë bindur ishi-n e Barcelonës.
‘’ Qytetarët ‘’ konsiderohen në çdo sezon pretendentë për të fituar çdo trofe të mundshëm, skuadër që vijon të mbështetet fuqimisht nga Khaldoon Al Mubarak, i cili ka dhënë maksimumin ndër vite për ta shëndërruar në atë që është sot.
Në listën e Pep Guardiolas tashmë janë përfshirë disa emra, duke filluar nga Juma Bah i Real Valladolidit apo Claudio Echeverri, ndërsa Andrea Cambiasso dhe Florian Wirtz mbeten prioritet absolut.
Një teknik si i ashtuquajturi ‘’ Pep ‘’ vijon prej vitesh me rradhë të konsiderohet një ndër më të mirët në qarkullim, i cili fitoi gjithçka me Barcelonën në të shkuarën.
Për sa i përket performancave në Premier League numrit një të stolit i mbetet shumë për të bërë duke qenë se Manchester City është shumë larg ekipit të dikurshëm, edhe pse momentalisht përfshihet ndër katër më të mirët e kampionatit anglez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
