Prej shumë kohësh mbrojtësi Milan Skriniar është bërë pjesë e planeve të Paris St Germain dhe duke qenë se ylli i Interit e përfundon kontratën në 30 qershorin e ardhshëm , francezët kanë bindjen se do ta transferojnë në ‘’ Parque de Prince ‘’.
Asi nën mëngë i kryeqytetasve është Nasser Al Khelaifi , president i cili ka dhënë gjithçka dhe ndër vite ka arritur të formojë një skuadër yjesh.
Objektivi i numrit një të ‘’ Les Pariziens ‘’ është fitimi i Champions Leagues por sipas ‘ As ‘ drejtuesit e parizienëve janë të vetëdijshëm se nuk do ta kenë të lehtë për sllovakun , për shërbimet e të cilit luftojnë ekipet më potentë të Europës.
Pavarësisht se në prapavijë kuq e blutë përbëhen nga lojtarë me shumë eksperiencë si Sergio Ramos , Kimpembe apo Marquinhos, traineri francez kërkon të shtojë forcat me një ndër më të mirët në Serinë A në vitet e fundit.
Deri më tani duhet theksuar se peshorja anon nga Paris St Germain pasi situata e Interit në aspektin ekonomik vijon të jetë delikate dhe nëse e zgjasin këtë histori mund të rrezikojnë largimin e 27 vjeçarit me parametër zero në fundin e sezonit.
Koha e mbetur konsiderohet shumë e rëndësishme për italianët por edhe për Milan Skriniar dhe një kalim tek kampionët në fuqi të Ligue 1 do të përkthehej në një rrogë më të lartë dhe sigurisht një shans për të qenë pjesë e një ekipi yjesh që synon fitimin e turneut më prestigjoz europian në një të ardhme të afërt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
