Thiago Alcantara refuzon Barcelonën

 Barcelonës vijon të mos i buzëqeshë fati  .

Pas pikpyetjes së madhe se nëse do të vijojë të jetë pjesë e Champions Leagues për arsye të   barazimit pa gola kundër Benfikës , ‘’ Los Cules ‘’  kanë marrë një tjetër shuplakë të fortë në merkato . 

Xavi Hernandez dhe skuadra e tij janë refuzuar nga ishi Thiago Alcantara i cili i ka mbyllur derën  rikthimit në  ‘’ Camp Nou ‘’ , aty ku mori shumë famë dhe u shëndërrua në një ndër mesfushorët më të vlerësuar.

Sigurisht që situata aktuale jo vetëm në aspektin ekonomik por edhe atë sportiv do të ndikojë në vendimarrjen e lojtarëve të mëdhenjë  . Sipas burimeve të brendshme  dhe informacioneve të portalit ‘ Liverpool Echo ‘  , 30 vjeçari ka deklaruar se nuk e mendon kurrsesi largimin nga ‘’ Anfield Road ‘’ sepse kërkon të justifikojë besimin e dhënë nga  Jurgen Klopp dhe të jetë në nivelin e shokëve të tij .

Gjermani  e ka mbështetur fuqimisht  Thiago Alcantaran dhe nxënësi i tij kërkon të respektojë kontratën e firmosur me anglezët  e cila do të përfundojë  në 30 qershorin e 2024-tës . 

Dëmtimet e shumta ja kanë bërë ferr eksperiencën me ish kampionët e Champions Leagues por  drejtuesit e Liverpoolit nuk kanë preferuar ta vënë në merkato sepse besojnë tek aftësitë e tij  dhe mund të kenë një as nën mëngë në situata të vështira gjatë sezonit .

Megjithatë ideja e Barcelonës për rikthimin e Thiago Alcantara mbetet e paluhatur sepse e njeh me detaje  potencialin e spanjollit dhe nuk do të reshtë deri sa ta transferojë përsëri në Katalunjë .