Nevil Dede, trajner futbolli, foli në emisionin “Skaner” në MCN TV, për fitoren e Egnatias ndaj Kastriotit.
Sipas Dedes, krutanët i vunë në vështirësi rrogozhinasit, por shtoi se këta të fundit këtë herë kishin fatin në krahun e tyre.
Egnatia vuajti në çdo top në ajër. Sot ishte dita e Kacbufit, sepse e kapi topin dy herë në vijën fatale. Pjesa e dytë, naiviteti te ajo ndërhyrje ku mori të kuqin. Egnatia kur i duhej goli, e shënonte atë. Edhe kur u barazuan, direkt reaguan.
Tek Egnatia shikoj edhe Kasën, apo edhe Mustën, që vazhdon ekuilibrat gjatë gjithë kohës. Nuk e shikoj më Fangajn, që mundohet të shtyjë, por nuk ia del. Egnatia vuajti shumë, sepse Kastrioti e vuri në vështirësi me topat e gjatë. Sot pashë një Egnatia pragmatiste. Fati bën diferencën, këtë herë i ndihmoi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
